{"id":15722,"date":"2022-01-08T17:02:06","date_gmt":"2022-01-08T13:02:06","guid":{"rendered":"https:\/\/infonews.az\/?p=15722"},"modified":"2022-01-08T19:37:02","modified_gmt":"2022-01-08T15:37:02","slug":"milli-kulinariya-m%c9%99rk%c9%99zi-il%c9%99-bagli-deputatdan-on%c9%99mli-cagiris","status":"publish","type":"post","link":"https:\/\/infonews.az\/?p=15722","title":{"rendered":"Milli Kulinariya M\u0259rk\u0259zi Il\u0259 ba\u011fli deputatdan \u00f6n\u0259mli \u00c7A\u011eIRI\u015e"},"content":{"rendered":"

Milli Kulinariya M\u0259rk\u0259zi Il\u0259 ba\u011fli deputatdan \u00f6n\u0259mli \u00c7A\u011eIRI\u015e<\/span><\/p>\n

“\u0130NFONEWS”<\/span> <\/strong><\/a>x\u0259b\u0259r verir.<\/p>\n

M\u0259d\u0259niyy\u0259t Komit\u0259sinin s\u0259dri Q\u0259nir\u0259 Pa\u015fayeva Milli M\u0259clisd\u0259, bu il 30 illik yubileyini qeyd ed\u0259n Milli Kulinariya M\u0259rk\u0259zi il\u0259 ba\u011fl\u0131 \u00f6n\u0259mli t\u0259klifl\u0259rl\u0259 \u00e7\u0131x\u0131\u015f edib, aidyyat\u0131 qurumlara \u00e7a\u011f\u0131r\u0131\u015flar s\u0259sl\u0259ndirib.<\/strong><\/p><\/blockquote>\n

Komit\u0259 s\u0259drinin \u00e7\u0131x\u0131\u015f\u0131n\u0131n m\u0259tnini t\u0259qdim edirik:<\/em><\/p>\n

“H\u00f6rm\u0259tli xan\u0131m S\u0259dr, h\u00f6rm\u0259tli h\u0259mkarlar,<\/strong>
\nTurizm haqq\u0131nda qanun layih\u0259sini M\u0259d\u0259niyy\u0259t Komit\u0259sind\u0259 ikinci oxunu\u015fda m\u00fczakir\u0259 edib, \u00f6z d\u0259st\u0259yimizi ifad\u0259 etmi\u015fik. Amma bundan sonra biz\u0259 Milli Kulinariya M\u0259rk\u0259zind\u0259n \u0259sasl\u0131 bir m\u00fcraci\u0259t daxil olub. Bu il 30 illik yubileyini qeyd ed\u0259n M\u0259rk\u0259zin qald\u0131rd\u0131\u011f\u0131 m\u0259s\u0259l\u0259l\u0259r turizml\u0259, bu qanunun predmeti il\u0259 bil\u0259vasit\u0259 ba\u011fl\u0131 oldu\u011fu \u00fc\u00e7\u00fcn, habel\u0259 M\u0259rk\u0259z D\u00f6vl\u0259t Turizm Agentliyinin n\u0259zdind\u0259 f\u0259aliyy\u0259t g\u00f6st\u0259rdiyi \u00fc\u00e7\u00fcn o t\u0259klifl\u0259ri v\u0259 b\u0259zi m\u0259lumatlar\u0131 burada s\u0259sl\u0259ndirm\u0259k ist\u0259yir\u0259m.
\nBu il Az\u0259rbaycan Milli Kulinariya M\u0259rk\u0259zinin yarad\u0131lmas\u0131n\u0131n 30-cu ild\u00f6n\u00fcm\u00fcd\u00fcr. M\u0259rk\u0259z yarand\u0131\u011f\u0131 g\u00fcnd\u0259n b\u0259ri Az\u0259rbaycan\u0131n m\u0259tb\u0259x m\u0259d\u0259niyy\u0259tini, \u0259n\u0259n\u0259l\u0259rini, \u00f6z\u00fcn\u0259m\u0259xsuslu\u011funu \u00f6yr\u0259nir, t\u0259bli\u011f edir v\u0259 d\u00fcnyan\u0131n d\u00f6rd yan\u0131nda layiqinc\u0259 t\u0259msil edir.
\nM\u0259rk\u0259z 1992-ci ild\u0259n \u00dcmumd\u00fcnya Kulinariya T\u0259\u015fkilatlar\u0131 Birliyinin \u00fczv\u00fcd\u00fcr; aktiv f\u0259aliyy\u0259t\u0259 Ulu \u00d6nd\u0259r Heyd\u0259r \u018fliyev\u0259 m\u00fcraci\u0259td\u0259n sonra ba\u015flay\u0131b. T\u0259s\u0259vv\u00fcre din: \u00f6t\u0259n y\u00fczilliyin 90-c\u0131 ill\u0259rind\u0259, Az\u0259rbaycan\u0131n \u00e7ox \u00e7\u0259tin g\u00fcnl\u0259rind\u0259, Ulu \u00d6nd\u0259rin g\u0259rgin i\u015f f\u0259aliyy\u0259ti d\u00f6n\u0259mind\u0259 Milli Kulinariya M\u0259rk\u0259zinin m\u00fcraci\u0259tin\u0259 diqq\u0259t yetirm\u0259si v\u0259 onun f\u0259aliyy\u0259ti \u00fc\u00e7\u00fcn ya\u015f\u0131l i\u015f\u0131q yand\u0131rmas\u0131 m\u00fcqabilind\u0259 bu il otuz illiyinin g\u0259r\u0259k\u0259n s\u0259viyy\u0259d\u0259 qeyd olunmamas\u0131 t\u0259qdir\u0259layiq hal say\u0131la bilm\u0259z. M\u0259rk\u0259z \u00f6t\u0259n ill\u0259r i\u00e7ind\u0259 sah\u0259 elminin inki\u015faf\u0131 istiqam\u0259tind\u0259, milli m\u0259tb\u0259xin tarixini, f\u0259ls\u0259f\u0259sini, \u0259n\u0259n\u0259l\u0259rini, itiril\u0259n x\u00f6r\u0259kl\u0259rin adlar\u0131n\u0131, haz\u0131rlanma v\u0259 bi\u015firilm\u0259 qaydalar\u0131n\u0131 toplay\u0131b, t\u0259bli\u011f edib, ordu m\u0259tb\u0259xinin yarad\u0131lmas\u0131nda, h\u0259rbi a\u015fpazlar\u0131n haz\u0131rlanmas\u0131nda bilavasit\u0259 i\u015ftirak edib. V\u0259t\u0259n M\u00fcharib\u0259si d\u00f6vr\u00fcnd\u0259 60 \u00e7ox y\u00fcks\u0259k ixtisasl\u0131, pe\u015f\u0259kar milli kulinarlar\u0131m\u0131z k\u00f6n\u00fcll\u00fc olaraq a\u015fpaz kimi \u00f6nc\u0259bh\u0259d\u0259 xidm\u0259t\u0259, 26 n\u0259f\u0259ri is\u0259 \u0259sg\u0259r kimi d\u00f6y\u00fc\u015fl\u0259r\u0259 gedib. Onlardan alt\u0131s\u0131 \u015f\u0259hid olub.<\/p>\n

1998-ci ild\u0259 Milli Kulinariya M\u0259rk\u0259zi UNESKO-un Xalq Yarad\u0131c\u0131l\u0131\u011f\u0131 T\u0259\u015fkilat\u0131n\u0131n \u018fn\u0259n\u0259vi Qida Komit\u0259sinin \u00fczv\u00fc, 2000-ci ild\u0259 is\u0259 M\u0259rk\u0259zin r\u0259hb\u0259ri Tahir \u018fmiraslanov Komit\u0259nin s\u0259dr m\u00fcavini, 2002-ci ild\u0259n s\u0259dri se\u00e7ilib. M\u0259rk\u0259z Milli M\u0259tb\u0259xin Beyn\u0259lxalq patendl\u0259\u015fdirilm\u0259sin\u0259 nail olub v\u0259 26 milli x\u00f6r\u0259yin d\u00f6vl\u0259t po\u00e7t markas\u0131n\u0131 n\u0259\u015fr etdirib.
\nMilli Kulinariya xarici \u00f6lk\u0259l\u0259rd\u0259 ke\u00e7iril\u0259n Kulinariya \u00e7empionat v\u0259 Olimpiadalar\u0131nda 358 q\u0131z\u0131l, 682 g\u00fcm\u00fc\u015f, 1068 b\u00fcr\u00fcnc medal qazan\u0131b. Milli Kulinariya M\u0259rk\u0259zi 14 \u00f6lk\u0259d\u0259 Az\u0259rbaycan Milli M\u0259tb\u0259x M\u0259d\u0259niyy\u0259ti G\u00fcnl\u0259ri t\u0259\u015fkil edib. M\u0259rk\u0259zin s\u0259dri 12 \u00f6lk\u0259d\u0259 t\u0259\u015fkil olunan Beyn\u0259lxalq Kulinariya Yar\u0131\u015flar\u0131n\u0131n m\u00fcnsifl\u0259r hey\u0259tinin \u00fczv\u00fc olub.
\nMilli Kulinariya M\u0259rk\u0259zi \u00f6lk\u0259 daxilind\u0259ki tarixi v\u0259 \u00e7a\u011fda\u015f qida m\u0259d\u0259niyy\u0259tini \u00f6yr\u0259nm\u0259kl\u0259 yana\u015f\u0131, \u00f6lk\u0259 h\u00fcdudlar\u0131ndan k\u0259narda ya\u015fayan soyda\u015flar\u0131m\u0131z\u0131n qoruyub saxlad\u0131qlar\u0131 Az\u0259rbaycan m\u0259tb\u0259xini d\u0259 \u00f6yr\u0259nir.
\nM\u0259rk\u0259z bir s\u0131ra fundamental n\u0259\u015frl\u0259 \u00e7\u0131x\u0131\u015f edib; o c\u00fcml\u0259d\u0259n T\u0259briz, Qaraba\u011f, Nax\u00e7\u0131van, \u0130r\u0259van m\u0259tb\u0259xini \u0259hat\u0259 ed\u0259n \u00f6z\u0259l kitablar n\u0259\u015fr edib, h\u0259m\u00e7inin Bor\u00e7al\u0131, D\u0259rb\u0259nd, Bak\u0131, Tiflis m\u0259tb\u0259x m\u0259d\u0259niyy\u0259tl\u0259rini \u0259hat\u0259 ed\u0259n kitablar\u0131n\u0131n \u00fcz\u0259rind\u0259 \u00e7al\u0131\u015f\u0131r.
\nM\u0259rk\u0259z 30 il \u0259rzind\u0259 pe\u015f\u0259kar kulinar, a\u015fpaz v\u0259 sah\u0259 \u00fczr\u0259 texnoloqlarla birg\u0259 tarix\u00e7i, etnoqraf, folklor-s\u0259n\u0259t\u015f\u00fcnaslar\u0131 \u0259traf\u0131nda birl\u0259\u015fdirib. \u018fm\u0259kda\u015fl\u0131q n\u0259tic\u0259sind\u0259 M\u0259rk\u0259z \u201c\u0130nformatik Qida N\u0259z\u0259riyy\u0259si\u201d, \u201cM\u0259tb\u0259x tarixi\u201d, \u201cM\u0259tb\u0259x v\u0259 dil\u00e7ilik\u201d, \u201cM\u0259tb\u0259x v\u0259 folklor\u201d, \u201cM\u0259tb\u0259x r\u0259qsl\u0259ri\u201d, \u201cM\u0259tb\u0259x v\u0259 musiqi\u201d, \u201cM\u0259tb\u0259xin insan\u0131n reproduktiv funksiyas\u0131na t\u0259siri\u201d kimi i\u015fl\u0259r g\u00f6r\u00fcr. \u201cAz\u0259rbaycan m\u0259tb\u0259xind\u0259 dolmalar 381 \u00e7e\u015fid\u201d v\u0259 Londonda n\u0259\u015fr edil\u0259n \u201cM\u0259tb\u0259x yem\u0259kl\u0259ri\u201d kitablar\u0131 2018 v\u0259 2016-ci ill\u0259rd\u0259 d\u00fcnyan\u0131n \u0259n yax\u015f\u0131 kulinariya kitablar\u0131 elan edilib.
\nPrezidentin S\u0259r\u0259ncam\u0131yla 2004-c\u00fc ild\u0259 ilk \u201cAz\u0259rbaycan Kulinariyas\u0131n\u0131n Ensiklopediyas\u0131\u201d kitab\u0131 n\u0259\u015fr edilib.
\n\u018flb\u0259tt\u0259, Az\u0259rbaycan Respublikas\u0131n\u0131n Birinci vitse-prezidenti, UNESKO-nun, \u0130SESCO-nun Xo\u015fm\u0259raml\u0131 s\u0259firi Mehriban xan\u0131m \u018fliyevan\u0131n v\u0259t\u0259nimizin qeyri-maddi m\u0259d\u0259ni irsinin y\u00fcks\u0259k t\u0259bli\u011fi, t\u0259sdiqi sah\u0259sind\u0259ki xidm\u0259tl\u0259ri milli kulinariyam\u0131z\u0131n da beyn\u0259lxalq miqyasda tan\u0131d\u0131lmas\u0131na bilavasit\u0259 t\u0259kan verir: lava\u015f v\u0259 dolma UNESKO t\u0259r\u0259find\u0259n Az\u0259rbaycan\u0131n qeyri-maddi m\u0259d\u0259ni irs n\u00fcmun\u0259si elan edilib. Az\u0259rbaycan Milli Kulinariya M\u0259rk\u0259zi m\u0259hz bu d\u0259st\u0259kd\u0259n g\u00fcc alaraq Erm\u0259nistan Respublikas\u0131 Nazirl\u0259r Soveti v\u0259 Erm\u0259nistan Elml\u0259r Akademiyas\u0131 t\u0259r\u0259find\u0259n 1950-ci ild\u0259n ba\u015flayan Az\u0259rbaycan m\u0259tb\u0259xinin m\u0259nims\u0259nilm\u0259si y\u00f6n\u00fcnd\u0259 apar\u0131lan ard\u0131c\u0131l \u201ci\u015f\u201di elmi-tarixi s\u00fcbutlarla if\u015fa edib v\u0259 beyn\u0259lxalq qurumlardan uzaqla\u015fd\u0131r\u0131b.
\nM\u0259lumdur ki, \u00f6lk\u0259miz\u0259 qar\u015f\u0131 d\u00f6n\u0259ml\u0259rd\u0259 turist ax\u0131n\u0131n\u0131n g\u00fccl\u0259nm\u0259si g\u00f6zl\u0259nilir. Turistl\u0259r \u00fc\u00e7\u00fcn \u00f6lk\u0259nin tarixi-m\u0259d\u0259ni m\u0259kanlar\u0131, t\u0259bi\u0259ti il\u0259 tan\u0131\u015fl\u0131\u011f\u0131 maraql\u0131 oldu\u011fu q\u0259d\u0259r, milli m\u0259tb\u0259x d\u0259 \u00f6n\u0259mlidir. \u201cFast-food\u201d d\u00fcnyas\u0131nda milli m\u0259tb\u0259xin qorunmas\u0131, t\u0259bli\u011fi, t\u0259qdimat\u0131 v\u0259 g\u0259l\u0259c\u0259k n\u0259sill\u0259r\u0259 \u00f6t\u00fcr\u00fclm\u0259si Milli Kulinariya M\u0259rk\u0259zinin v\u0259zif\u0259sidir. M\u0259rk\u0259z paytaxt Bak\u0131da Bak\u0131 Beyn\u0259lxalq \u201c\u00c7ay D\u0259stgah\u0131\u201d, \u201cQazan, Manqal, Sac\u201d, Q\u0259b\u0259l\u0259d\u0259 Beyn\u0259lxalq, \u0259n\u0259n\u0259vi \u201cM\u00fcr\u0259bb\u0259\u201d, \u015e\u0259kid\u0259 Beyn\u0259lxalq \u0259n\u0259n\u0259vi \u201c\u015eirniyyat\u201d v\u0259 Lerikd\u0259 yerli \u201cPlov\u201d festivallar\u0131, \u201cBeyn\u0259lxalq \u0130slam M\u0259tb\u0259xi\u201d, \u201cT\u0259hsil alan G\u0259nc Kulinarlar\u0131n Respublika Milli M\u0259tb\u0259x\u201d \u00e7empionatlar\u0131 v\u0259 s. t\u0259dbirl\u0259r ke\u00e7irib. Haz\u0131rda \u201cAz\u0259rbaycan \u00e7ay d\u0259stgah\u0131\u201d UNESKO-ya t\u0259qdim edilib.
\nBu ilin noyabr\u0131n son h\u0259ft\u0259sind\u0259 T\u00fcrkiy\u0259 C\u00fcmhurba\u015fqanl\u0131\u011f\u0131n\u0131n d\u0259st\u0259yi il\u0259 ke\u00e7iril\u0259n \u201cVII D\u00fcnya Halal Zirv\u0259si\u201d daxilind\u0259 D\u00fcnya \u0130slam Kulinariya Birliyinin (W\u0130CS) egidas\u0131 alt\u0131nda III Beyn\u0259lxalq Kulinariya \u00e7empionat\u0131nda Az\u0259rbaycan komandas\u0131 birinci yer v\u0259 kuboka layiq g\u00f6r\u00fcl\u00fcb.
\nBa\u015fqa bir \u00f6n\u0259mli x\u0259b\u0259r: bu il L\u0259nk\u0259ran Qastronomiya M\u0259d\u0259niyy\u0259ti M\u0259rk\u0259zi olaraq, ba\u015fqa s\u00f6zl\u0259, ba\u015fqa s\u00f6zl\u0259, L\u0259nk\u0259ran\u0131n Milli Kulinariya yarad\u0131c\u0131l\u0131\u011f\u0131 \u015f\u0259h\u0259ri olmas\u0131 UNESCO-nun s\u0259n\u0259dl\u0259rind\u0259 t\u0259sbit edildi.<\/p>\n

Bel\u0259likl\u0259, Milli Kulinariya M\u0259rk\u0259zin ir\u0259li s\u00fcrd\u00fcy\u00fc t\u0259klifl\u0259ri s\u0259sl\u0259ndirir\u0259m:<\/p>\n

-M\u0259rk\u0259zin \u00e7a\u011fda\u015f t\u0259l\u0259bl\u0259r\u0259 cavab ver\u0259 bil\u0259c\u0259k f\u0259aliyy\u0259ti \u00fc\u00e7\u00fcn, el\u0259c\u0259 d\u0259, u\u011furlar\u0131n\u0131n d\u0259y\u0259rl\u0259ndirilm\u0259si, 30 illik yubileyinin qiym\u0259tl\u0259ndirilm\u0259si \u00fc\u00e7\u00fcn 30 ild\u0259 d\u0259yi\u015fm\u0259y\u0259n \u015ftatlar\u0131n\u0131n, maa\u015flar\u0131n\u0131n art\u0131r\u0131lmas\u0131 arzusu ifad\u0259 olunur;<\/p>\n

-Qaraba\u011fdak\u0131 quruculuq i\u015fl\u0259ri v\u0259 L\u0259nk\u0259ran\u0131n Qastronomiya M\u0259d\u0259niyy\u0259ti \u015f\u0259h\u0259ri se\u00e7ilm\u0259si il\u0259 ba\u011fl\u0131 M\u0259rk\u0259zin b\u00fcdc\u0259si art\u0131r\u0131lsa yax\u015f\u0131 olard\u0131. M\u0259rk\u0259z 2012-ci il\u0259 q\u0259d\u0259r D\u00f6vl\u0259t b\u00fcdc\u0259sind\u0259n ayr\u0131ca s\u0259tirl\u0259 maliyy\u0259l\u0259\u015firdi, sonra bu s\u0259tr aradan qald\u0131r\u0131l\u0131b;<\/p>\n

-Nazirl\u0259r Kabinetinin S\u0259r\u0259ncam\u0131na \u0259sas\u0259n M\u0259rk\u0259zin funksiyalar\u0131 Milli m\u0259tb\u0259xin toplanmas\u0131 t\u0259qdimat\u0131, qorunmas\u0131, t\u0259bli\u011fi, sa\u011flam qidalanma, ixtisasl\u0131 kadrlar\u0131n haz\u0131rlanmas\u0131 v\u0259 s. ibar\u0259tdir. Onun funksiyalar\u0131 turizmd\u0259n xeyli k\u0259nara \u00e7\u0131x\u0131r. M\u0259tb\u0259ximizin Milli irs kimi qorunmas\u0131 M\u0259rk\u0259zin \u0259sas i\u015fl\u0259rind\u0259n olmal\u0131d\u0131r. M\u0259rk\u0259z \u0259vv\u0259lc\u0259 Ticar\u0259t, sonra G\u0259ncl\u0259r \u0130dman v\u0259 Turizm, daha sonra is\u0259 M\u0259d\u0259niyy\u0259t v\u0259 Turizm Nazirliyi yan\u0131nda f\u0259aliyy\u0259t g\u00f6st\u0259rib. \u0130ndi is\u0259 D\u00f6vl\u0259t Turizm Agentliyinin n\u0259zdin\u0259 verilib. M\u0259rk\u0259zin statusunun art\u0131r\u0131lmas\u0131 arzuolunand\u0131r;<\/p>\n

-M\u0259rk\u0259zl\u0259 paralel v\u0259 tandemd\u0259 i\u015fl\u0259y\u0259n Az\u0259rbaycan Milli Kulinariya Assosiyasiyas\u0131 \u0130ctimai birliyi \u00f6lk\u0259mizi 115 \u00fczv\u00fc olan D\u00fcnya Kulinariya t\u0259\u015fkilat\u0131nda, D\u00fcnya \u0130slam Kulinariya birliyind\u0259 D\u00fcnya Xalq Yarad\u0131c\u0131l\u0131\u011f\u0131 T\u0259\u015fkilat\u0131nda u\u011furla t\u0259msil edir. A\u015f\u0131qlar Birliyi, Yaz\u0131\u00e7\u0131lar \u0130ttifaq\u0131 v\u0259 s. m\u0259d\u0259ni-pe\u015fakar t\u0259\u015fkilatlar kimi bu \u0130ctimai birliyin d\u0259 b\u00fcdc\u0259d\u0259n maliyy\u0259l\u0259\u015fm\u0259si t\u0259min edil\u0259 bil\u0259r;<\/p>\n

-Az\u0259rbaycan Milli Kulinariya M\u0259rk\u0259zinin \u00f6lk\u0259mizin t\u0259r\u0259qqisi namin\u0259 h\u0259yata ke\u00e7iril\u0259n layih\u0259l\u0259rin z\u0259nginl\u0259\u015fdirilm\u0259si m\u0259qs\u0259dil\u0259, Az\u0259rbaycan Respublikas\u0131 M\u0259d\u0259niyy\u0259t Qanunun 37-ci madd\u0259sini v\u0259 AMKM-\u0131n yarad\u0131lmas\u0131 il\u0259 ba\u011fl\u0131 Nazirl\u0259r Kabinetinin 23.04.1991-ci il 99 sayl\u0131 q\u0259rar\u0131n\u0131 \u0259sas g\u00f6t\u00fcr\u0259r\u0259k:
\n\u2013 Az\u0259rbaycan Milli Kulinariya M\u0259rk\u0259zinin 2021-ci ild\u0259 yarad\u0131lmas\u0131n\u0131n 30-cu ild\u00f6n\u00fcm\u00fcn\u00fcn tamam olmas\u0131n\u0131 v\u0259 ilin ba\u015fa \u00e7atmas\u0131na \u00e7ox az qald\u0131\u011f\u0131 \u00fc\u00e7\u00fcn yubileyin d\u00f6vl\u0259t s\u0259viyy\u0259sind\u0259 qeyd edilm\u0259sini;<\/p>\n

\u2013 Milli m\u0259tb\u0259ximizin elmi \u0259saslar\u0131n\u0131n \u00f6yr\u0259nilm\u0259sin\u0259 xidm\u0259t ed\u0259c\u0259k kulinarologiya (texnologiya, opsologiya v\u0259 qastrosofiya) elmi istiqam\u0259tinin yarad\u0131lmas\u0131 \u00fc\u00e7\u00fcn Nazirl\u0259r Kabineti t\u0259r\u0259find\u0259n mavafiq add\u0131mlar at\u0131lmas\u0131n\u0131;<\/p>\n

\u2013 Kulinarlar\u0131n Pe\u015f\u0259 bayram\u0131 G\u00fcn\u00fcn\u00fcn, habel\u0259 bu sah\u0259d\u0259 f\u0259xri adlar\u0131n t\u0259sis edilm\u0259sini;<\/p>\n

\u2013 30 il \u0259rzind\u0259 m\u00fcxt\u0259lif \u00fcnvanlarda f\u0259aliyy\u0259t g\u00f6st\u0259r\u0259n M\u0259rk\u0259zin i\u015finin s\u0259m\u0259r\u0259li t\u0259\u015fkili, Elmi v\u0259 T\u0259dris kompleksl\u0259rinin, \u201cMilli m\u0259tb\u0259x muzeyi\u201dnin yarad\u0131lmas\u0131 \u00fc\u00e7\u00fcn binan\u0131n ayr\u0131lmas\u0131 il\u0259 ba\u011fl\u0131 t\u0259klifin n\u0259z\u0259r\u0259 al\u0131nmas\u0131 m\u0259s\u0259l\u0259sinin qald\u0131r\u0131lmas\u0131n\u0131 arzulay\u0131rlar.<\/p>\n

\u00c7\u00fcnki bu, bizim \u00f6lk\u0259d\u0259 b\u00fct\u00fcn kulinarlar\u0131n m\u00fcraci\u0259ti kimi q\u0259bul edil\u0259 bil\u0259r, bu t\u0259klifl\u0259rin h\u0259yata ke\u00e7irilm\u0259si il\u0259 m\u0259tb\u0259x m\u0259d\u0259niyy\u0259timizin qay\u011f\u0131s\u0131na qalm\u0131\u015f olar\u0131q v\u0259 \u00fcmidvaram, m\u00fcvafiq qurumlar da bu \u00e7a\u011f\u0131r\u0131\u015flar\u0131, t\u0259klifl\u0259ri n\u0259z\u0259r\u0259 alacaqd\u0131r. Ayr\u0131ca, turizm haqq\u0131nda v\u0259 dig\u0259r qanunlarda milli kulinariya il\u0259 ba\u011fl\u0131 madd\u0259l\u0259rin d\u0259 n\u0259z\u0259r\u0259 al\u0131nmas\u0131 yax\u015f\u0131 m\u0259qs\u0259d\u0259uy\u011fun olard\u0131.<\/p>\n

Diqq\u0259tiniz \u00fc\u00e7\u00fcn t\u0259\u015f\u0259kk\u00fcr edir\u0259m!<\/strong><\/p>\n