Rusiya Jurnalistlər İttifaqının katibi: Hər bir jurnalistin həlak olması bütün jurnalistlər birliyi üçün faciədir
”İNFONEWS” xəbər verir.
Rusiya Jurnalistlər İttifaqı Azərbaycanda jurnalistlərin minaya düşərək həlak olması ilə əlaqədar səmimi-qəlbdən başsağlığı verir.
Rusiya Jurnalistlər İttifaqının katibi Rafael Hüseynov bu sözləri söyləyib. O qeyd edib ki, hər bir jurnalistin həlak olması bütün jurnalistlər birliyi üçün faciədir.
Rafael Hüseynov deyib ki, azərbaycanlı jurnalistlər vəzifə borclarını yerinə yetirərkən həlak olublar. Onlar işğaldan azad olunmuş ərazilərdə mina terrorunun qurbanı olublar.
Dövlətlərin ərazi bütövlüyünə riayət edilməsinin vacibliyini xüsusi vurğulayaraq deyib: “Ümidvarıq ki, Qarabağda tam və qəti sülh tezliklə bərqərar olacaq. Bunun üçün Azərbaycan, Ermənistan və Rusiya liderləri tərəfindən imzalanmış konkret Bəyanat var”.