Paşinyan Koçaryanı böyük fərqlə qabaqlayır – ilk nəticələr
Ermənistanda keçirilən növbədənkənar parlament seçkilərinin ilkin nəticələri açıqlanıb.
“İNFONEWS”-un Sputnik Armeniya-ya istinadən verdiyi məlumata görə, ölkənin Mərkəzi Seçki Komissiyası səsvermənin ilkin nəticələrini açıqlayıb.
Məlumata əsasən, hazırda Ermənistanın Baş naziri səlahiyyətlərini icra edən Nikol Paşinyanın “Vətəndaş sazişi” partiyası 58.04% səslə irəlidədir.
Onun başlıca rəqibi Ermənistanın ikinci prezidenti Robert Koçaryanın “Ermənistan” bloku isə yalnız səslərin 22.01%-ni qazanıb.
Digər siyasi bloklar onlar üçün qoyulmuş 7 faizlik səs həddini keçə bilməyiblər.