Miqrantlar bu dəfə də İtaliya sahillərində xilas ediliblər

Miqrantlar bu dəfə də İtaliya sahillərində xilas ediliblər

“İNFONEWS” xəbər verir.

İtaliya Sahil Mühafizə Xidmətinin əməkdaşları Aralıq dənizində balıqçı gəmisində köməksiz qalan 296 miqrantı xilas ediblər.

Xilasetmə əməliyyatı 3 patrul gəmisi və bir təyyarə ilə Lampeduza adasından 14 mil uzaqlıqda aparılıb. Miqrantların 8-i uşaq, 14-ü isə qadındır.

Bundan başqa, İtaliya Sahil Mühafizə Xidmətinin əməkdaşları dənizdə təhlükəsiz liman ayrılmasını gözləyən Almaniyanın “Sea Watch” qeyri-hökumət təşkilatının xilasetmə gəmisindən isə 8-i hamilə qadın olmaqla 12 nəfəri təxliyə ediblər. Hazırda gəmidə qalan miqrantların sayı 463-dür.

Aralıq dənizində müxtəlif əməliyyatlarda 482 nəfəri xilas edən “Sea Watch-4” gəmisindən birinci mərhələdə 7 nəfər, ikinci mərhələdə isə 12 nəfər sağlamlıq vəziyyəti ilə əlaqədar təxliyə olunmuşdu.

Qeyd edək ki, Aralıq dənizinin İtaliya, Malta və Liviya arasında qalan hissəsi son illərdə Afrikadan Avropaya qeyri-qanuni miqrasiya yollarından birinə çevrilib.

(AZƏRTAC)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir