İNFONEWS AZƏRTAC-a istinadən xəbər verir ki, artıq keçən ilin dekabr ayının 24-də Yaponiyanın Kyuşü adasında yerləşən Fukuoka şəhərində maşinistsiz sərnişin qatarları hərəkətə başlayıb. Adi dəmir yolu ilə hərəkət edən bu qatarlar yol kəsişmələrində işıqforda belə dayanır. Qeyd edilib ki, ilkin olaraq baş verə biləcək hər hansı hadisənin qarşısını almaq üçün qatarda maşinist də olacaq. Lakin sonradan bu qatarlar tam avtomat rejimə keçəcək. Elektrik qatarı təqribən 13 kilometr məsafəni qət edir və onun gündə 12 reys həyata keçirəcəyi qeyd edilir. Həmçinin, belə qatarların tətbiqi ilk növbədə maşinistlərin çatışmaması ilə əlaqələndirilir. Bu qatarların gələcəkdə bütün Yaponiya ərazisində tətbiqi nəzərdə tutulur. Hazırda Yaponiyada işıqforların olmadığı və insanların hərəkətindən kənarda yerləşən bir sıra dəmir yolu xətlərində maşinistsiz qatarların hərəkətinə icazə verilib.
Bununla yanaşı, Yaponiyanın bir sıra avtomobil istehsalçıları da pilotsuz yüngül avtomobillərin müxtəlif növlərinin hazırlanması istiqamətində işləri davam etdirir.