Ukrayna səfiri V. Kanevski Azərbaycan xalqına TƏŞƏKKÜR ETDİ
“İNFONEWS” xəbər verir.
Ukraynanın ölkəmizdəki fövqəladə və səlahiyyətli səfiri Vladislav Kanevski Azərbaycan xalqına təşəkkür edib.
Ukraynalı diplomat bu barədə “Facebook” səhifəsində paylaşım edib.
“Bu gün Azərbaycanın sadə vətəndaşlarından, xüsusən də sosial şəbəkələrdə Ukraynaya dəstək üçün çoxlu telefon zəngləri və mesajlar aldıq. Bu, mənə İkinci Qarabağ müharibəsi zamanı sadə ukraynalıların Azərbaycanı necə dəstəklədiyini xatırladır.
Ölkəmiz üçün belə çətin bir zamanda Ukrayna xalqı ilə həmrəylik nümayiş etdirən bütün azərbaycanlılara dərin təşəkkürümüzü bildiririk!” – səfir vurğulayıb.