Aİ-nin sanksiya siyasəti Rusiya iqtisadiyyatını məhv edə bilməyəcək
Avropa İttifaqının (Aİ) sanksiya siyasəti Rusiya iqtisadiyyatını məhv edə bilməyəcək, Moskva məhdudiyyət və təhdidlərə fikir vermədən öz milli maraqlarını həyata keçirməyə davam edəcək.
Bu barədə Rusiya Xarici İşlər Nazirliyinin bəyanatında deyilir.
“Sizi əmin etmək istəyirik ki, bu alınmayacaq. Avropa İttifaqının hərəkətləri sərt cavabsız qalmayacaq. Rusiya sanksiyalar və onların təhdidlərinə fikir vermədən həyati əhəmiyyətli milli maraqlarının həyata keçirilməsini təmin etməyə davam edəcək. Qərb ölkələrinin qlobal iqtisadiyyatda bölünməz hökmranlığının çoxdan geridə qaldığını başa düşmək vaxtıdır”, – deyə XİN-dən bildirilib.