Çex Respublikası Ukraynadan olan qaçqaınlara 201 minə yaxın viza verib
Ukraynadan olan qaçqınlara Çex Respublikası ərazisində qalmağa icazə verən 200 mindən çox xüsusi viza verilib.
“İNFONEWS” “RİA Novosti”yə istinadən xəbər verir ki, bu barədə Çex Respublikasının Daxili İşlər Nazirliyi məlumat yayıb.
“Ukraynada hərbi əməliyyatlar başladıqdan sonra bu ölkədən olan 200 852 qaçqına respublikada qalma üçün xüsusi icazə verilib”, – məlumatda deyilir.
Xatırladaq ki, yerli mətbuatın məlumatına görə, hazırda Çex Respublikasının ərazisində Ukraynadan olan 300 minədək qaçqın məskunlaşıb.