Əfqanıstan və Tacikistan sərhədçiləri arasında silahlı toqquşma olub
Əfqanıstan-Tacikistan sərhədində silahlı toqquşmalar olub.
İNFONEWS bu barədə “Afghanistan International”a istinadən xəbər verir.
“Əfqanıstanın şimalındakı yerli mənbələr Şerxan-Bəndər ərazisində, sərhəddə Tacikistan sərhədçiləri ilə “Taliban” qüvvələrinin dörd saat ərzində bir-birinə atəş açdığını bildirir”, – xəbərdə vurğulanır.
“Mənbələrin məlumatına görə, silahlı toqquşma “Taliban” qüvvələri ilə Tacikistan sərhədçiləri arasında şifahi gərginlikdən sonra baş verib və ilk olaraq “taliblər” atəş açıb”, – məlumatda qeyd edilir.
Hələlik Tacikistanın hökumət strukturları və Əfqanıstanda nəzarəti əlinə almış “Taliban” nümayəndələri xəbəri şərh etməyiblər.
Əzizə Əliyeva
© Materiallardan istifadə edərkən hiperlinklə istinad olunmalıdır