“İNFONEWS.AZ” xəbər verir.
Rusiya neftindən imtinanı nəzərdə tutan altıncı sanksiyalar paketi ən qısa zamanda qəbul edilməlidir.
“İNFONEWS.AZ” “Report”- a istinadən xəbər verir ki, bu barədə Fransanın xarici işlər naziri Ketrin Kolonna bildirib.
“Ukraynaya uzunmüddətli perspektivdə bütün sahələrdə dəstəyi gücləndirməliyik: maliyyə, iqtisadi, hərbi və humanitar. Rusiya neftindən tədricən imtinanı nəzərdə tutan altıncı sanksiyalar paketini də mümkün qədər tez qəbul etməliyik. Ümid edirik ki, bunu tez bir zamanda etmək mümkün olacaq”, – Kolonna deyib.
Avropa İttifaqı ölkələri Ukraynadakı müharibəyə görə Rusiyaya qarşı ardıcıl olaraq beş sanksiya paketi tətbiq ediblər. Qarşıdan gələn altıncı paket çərçivəsində Rusiya neftindən imtina imkanı nəzərdən keçirilir.