Papiros çəkib, pivə içən – DÖYÜŞÇÜ AYI MİŞKA VOYTEK
Müharibələr dəhşət, ölüm, zəfər, məğlubiyyət sayıldığı qədər, həm də maraqlı hadisələr, unudulmaz xatirələr, qeyri-adi məqamlarla zəngindir ki, bu da hər zaman öyrənilir, nəsillərdən-nəsillərə ötürülür, həmişə də diqqət çəkir.
“İNFONEWS” – un əldə etdiyi məlumatına görə, bu tarixi fotodakı ayının adı Mişka Voytek olub. Polyakların bu ayını İkinci Dünya Müharibəsində İrandan gətirdikləri söylənilir. Ayı Polşa ordusu əsgərləri ilə birgə, çiyin-çiyinə müharibənin sonunadək döyüşlərdə iştirak edib.
Belə ki, Mişka-Voytek döyüşlər zamanı Polşa topçularına yardım etmiş, ağır hərbi sursatlar olan qutuları daşımağa, boşaltmağa köməklik döstərmiş və hətta döyüş gedə-gedə meydana mərmiləri gətirirmiş. Polyaklar və ingilislər bu nəhəng igidi çox yaxşı tanıyırlarmış.
Müharibənin ağır illərində bəlkə də əsgərlərın yeganə əyləncəsinə, sevimlisinə çevrilmiş Mişka-Voytek pivə içməyi və siqaret çəkməyi bacarırmış. Şahidlərin xatirələrinə görə, bunları ayıya əsgərlər öyrədiblərmiş, ayı xüsusilə, papiros çəkməyi sevər, bu zaman əhval-ruhiyyəsi yüksələrmiş.
Döyüşçü ayı Voytek Polşa ordusu ilə birlikdə bütün müharibəni keçmiş və 1945-ci ildə ordudan “tərxis olunmuşdur”.
Daha sonralar ayı Böyük Britaniya gətirilmiş və məşhur Edinburq zooparkında saxlanılmışdır.
Qeyd edək ki, ayı Voytek 1963-cü ildə 22 yaşında dünyasını dəyişib. Onun hündürlüyü 180 sm — dən, çəkisi isə 250 kq-dan çox olub.
