15 sentyabr – “Bilik Günü” təntənəli şəkildə qeyd edilməyəcək .
“İNFONEWS” xəbər verir ki, bu barədə Elm və Təhsil Nazirliyinin Mətbuat Xidmətinin açıqlamasında bildirilib.
Qeyd edilib ki,
Bildiyimiz kimi, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən törədilən genişmiqsaylı təxribatın qarşısı alınarkən çoxsaylı hərbi qulluqçumuz şəhid olub.
Şəhidlərimizin ailələrinə və yaxınlarına dərin hüznlə başsağlığı verir, yaralılarımıza Allahdan şəfa diləyirik!
Bununla əlaqədar olaraq, ümumtəhsil məktəblərinin rəhbər və pedaqoji heyətinə 15 sentyabr – “Bilik Günü”nün təntənəli şəkildə qeyd edilməməsi tapşırılıb. Valideynlərin isə bu məsələni anlayışla qarşılamaları xahiş olunur.
Qeyd edək ki, ümumi təhsil müəssisələrində ilk dərs “Qarabağ Azərbaycandır!” mövzusuna həsr olunacaq.
Belə bir nümunəvi qərara görə Elm və Təhsil Nazirliyinin rəhbərliyinə ictimaiyyət adından təşəkkür edirik.
Şəhidlərimizin ailələrinə və yaxınlarına dərin hüznlə başsağlığı verir, yaralılarımıza şəfa diləyirik!