İxracın və İnvestisiyaların Təşviqi Agentliyinin (AZPROMO) rəhbəri Yusif Abdullayev və Polşanın Azərbaycandakı səfiri Rafal Poborski Azərbaycan-Polşa biznes forumunun keçirilməsi imkanlarını müzakirə edib.
“İNFONEWS.AZ” bu barədə AZPROMO-ya istinadən xəbər verir.
Məlumata görə, Y.Abdullayev Agentliyin əsas fəaliyyəti və hədəfləri barədə məlumat verib, tərəflər biznes dairələri arasında əlaqələrin genişləndirilməsi, imkanları ətrafında fikir mübadiləsi aparıb.
Xatırladaq ki, Azərbaycan-Polşa biznes forumu sonuncu dəfə 2020-ci ildə keçirilib.
2021-ci ildə Azərbaycanla Polşa arasında ticarət dövriyyəsinin dəyəri 111 milyon 32 min ABŞ dolları təşkil edib ki, bu da 2020-ci illə müqayisədə 2,4 % azdır.
Bu ilin yanvar-avqust aylarında isə iki ölkənin ticarət dövriyyəsinin dəyəri 75 milyon 231 min ABŞ dolları olub. Bu isə 1 il əvvələ nisbətən 0,3 % azdır.