“Sevil” vokal kvartetinin ifaları rəqəmsal platformalarda
“Caz-muğam” üslubunun banisi, dahi bəstəkar Vaqif Mustafazadənin yaratdığı “Sevil” vokal instrumental ansamblının ifaları rəqəmsal platformalarda dinləyicilərə təqdim edilib.
“İNFONEWS” xəbər verir ki, bu barədə Vaqif Mustafazadə Xeyriyyə Fondundan məlumat verilib. Qeyd olunub ki, albomda Hacı Xanməmmədov, Rauf Hacıyev, Ramiz Mirişli, Emin Sabitoğlu, Oqtay Rəcəbov, Cahangir Cahangirov, Fikrət Əmirov və digər bəstəkarların musiqiləri ilə yanaşı, Azərbaycan xalq mahnıları da özünəməxsus stildə yer alır.
Ümumilikdə 38 parçadan ibarət albomu hazırda bütün rəqəmsal platfotmalardan yüksək keyfiyyətli formatda dinləmək mümkündür.
Xatırladaq ki, bundan öncə Vaqif Mustafazadənin “Caz-muğam” üslubunda improvizasiyalar”, “Yollar”, “Jazz Hour”, “Tofiq Quliyev bəstələrinə caz kompozisiyaları”, “Əzizəni gözləyərkən” və s. kimi albomları da rəqəmsal platformalarda yayımlanıb.
Dinləyicilər aşağıdakı link vasitəsilə alboma keçid edə bilərlər: https://bit.ly/3MlWRHs