MDU-da payız semestrinin imtahan sessiyası uğurla davam edir
Mingəçevir Dövlət Universitetində (MDU) payız semestrinin imtahan sessiyası uğurla davam edir.
“İNFONEWS” – a universitetdən verilən məlumata görə, Mingəçevir Dövlət Universitetində (MDU) 05 yanvar tarixində başlayan 2022/2023-cü tədris ilinin payız semestrinin imtahan sessiyası uğurla davam edir. Məlumat verildiyi kimi, MDU-da bütün imtahanlar əyani formada şifahi şəkildə təşkil olunub.
09-14 yanvar tarixlərini əhatə edən növbəti imtahan həftəsində bakalavriat səviyyəsində 178 qrup üzrə 2836 tələbə ümumilikdə 214 imtahanda iştirak edib. Müvəffəqiyyət göstəricisi 98,2% olub. Tələbələr tərəfindən Apellyasiya Komissiyasına müraciət daxil olmayıb.
Magistratura səviyyəsində 29 qrup üzrə ümumilikdə 34 imtahan keçirilib. Magistrantların müvəffəqiyyət göstəricisi 99,0% olub.
Azərbaycan Respublikasının elm və təhsil nazirinin müvafiq əmrinin tələbləri çərçivəsində təşkil olunan sessiya ərzində İmtahan Qərargahının, “Qaynar xətt”in və Apellyasiya Komissiyasının fəaliyyəti təmin olunub. Əməkdaşlardan ibarət “İmtahanlara dəstək qrupu” imtahan prosesinin səmərəli təşkilində mühüm rol oynayır. Valideynlərin və ictimaiyyət nümayəndələrinin imtahan sessiyasında iştirakı təmin edilib. Hər həftə keçirilən “Açıq qapı” Günündə tələbələri və valideynləri maraqlandıran suallar universitet rektoru tərəfindən cavablandırlır.
Universitetdə payız semestrinin imtahan sessiyası cari ilin 01 fevral tarixinədək davam edəcək.