Bu gün Barış Mançonun ölümündən 24 il keçir
1 fevral 1999-cu ildə Türk dünyasının tanınmış siması, musiqiçi, bəstəkar, şair, rok ifaçı, dövrünün müasir, kreativ televiziya aparıcısı, bir sıra verilişlərinin prodüsseri Barış Manço 56 yaşında dünyasını dəyişib.
Ölümündən əvvəl reportajların birində: “Mən öldükdən sonra nəvələrim ensiklopediyalarda “Sənətkar Barış Manço” deyə oxuyarlarsa, və mən də bunu sənətimlə təsdiq etmiş olaramsa… Ümumiyyətlə, gələcək nəslə nə qoyub getdiyiniz önəmlidir. Yoxsa insan yaşarkən özü-özünə sənətkaram deməməlidir”- deyə, vurğulayıb.
Maraqlı faktlardan da biri onun əsl adının ölümündən sonra oğlu Doğukan Manço tərəfindən açıqlanmasıdır. Belə ki, məşhur sənətkarın əsl adı Tosun Yusuf Mehmet Barış Mançodur.
Qeyd edək ki, Barış Manço Azərbaycanda tanınan sənətkarlardandır, onun bəstələri, ifaları bu gün də böyük sevgi ilə dinlənilir.
“İNFONEWS” olaraq, Barış Mançonu dərin hörmətlə anırıq.
İnci Quliyeva