“Improtex Motors” yeni “Rolls-Royce Ghost”u təqdim edib
“İNFONEWS” xəbər verir.
Fevralın 1-də “Improtex Motors” şirkəti “Rolls-Royce Motor Cars Baku” satış-sərgi salonunda yeni “Rolls-Royce Ghost” avtomobilini media nümayəndələrinə fərdi görüşlər təşkil edərək təqdimatını keçirib.
Improtex Motors”un Baş direktoru Bayram Yaqubov deyib: “Biz 2021-ci ilə ən çox gözlənilən “Rolls-Royce”un debütündən başlamaqla çox məmnunuq. Qonaqlarımızın sağlamlığı və təhlükəsizliyi bizim üçün hər şeydən vacibdir, buna görə də biz Bakının mərkəzində media nümayəndələri və müştərilər üçün yeni “Rolls-Royce Ghost” ilə fərdi görüşlər təşkil edirik.
Qudvudda yaradılan ilk “Ghost” həm yaşına, həm də fikirlərinə görə fərqlənən yeni nəsil müştərilərin tələblərinə cavab olaraq yaradılıb. Bu insanlar bizə “Rolls-Royce”un ölçüsünü bir qədər kiçik və daha az iddialı görmək istədiklərini bildiriblər. Onlar üçün yaradılan modelin uğuru ən cəsarətli gözləntiləri aşıb. “Ghost” markanın 116 illik tarixi üçün ən uğurlu modeli olub. Yeni “Ghost”un öz sələfindən miras alacaq yeganə elementləri “Ekstaz ruhu” heykəlciyi və qapılardakı çətirlərdir. Qalan hər şey yenidən dizayn edilib və məharətlə sıfırdan hazırlanıb.
Rolls-Royce Motor Cars”ın Avropa üzrə direktoru Julian Jenkins belə şərh verib: “Nəticədə biz tarixdə ən yeni texnoloji “Rolls-Royce” yaratdıq. Brendimizin əsas dəyərləri cəlbedici, minimalist, lakin eyni zamanda, “Ghost” müştərilərinin ehtiyaclarına mükəmməl həmahəng olan və zamanın ruhuna ideal uyğun olan mürəkkəb bir məhsuldur.
Markanın fərqləndirici xüsusiyyəti – “Sehrli xalça uçuşu” ilə müqayisə edilən gedişin yumşaqlığı əhəmiyyətli dəyişikliklərə məruz qalıb. Yeni “Ghost” üçün mühəndislər “Planar” sistemini tətbiq edərək asqını tamamilə təkmilləşdiriblər. Həndəsi daha hamar və düz səthin şərəfinə adlandırılan sistem onillik inkişaf və sınaqların nəticəsidir. Nəticə əvvəllər bütün minik avtomobilləri üçün əlçatmaz olan yer üzərində uçuş hissidir.
Özü bağlanan qapılar – Qudvuddan olan ilk “Phantom” dövründən “Rolls-Royce” alıcılarının sevimli funksiyasıdır. Cihazlar panelində və arxa oturacaqda yerləşən düymələrin köməyi ilə müştərilər asanlıqla qapıları aça bilərlər. Yeni “Ghost”da bu əfsanəvi funksiya təkmilləşdirilib. Bundan sonra qapılar ilk dəfə olaraq hər hansı bir səy göstərmədən elektrik ötürücü ilə açıla bilər. Avtomobildən çıxdıqdan sonra sahibi dəstəyin düyməsini basaraq qapını avtomatik olaraq bağlaya bilər.
Yeni “Ghost” müasir avtomobil salonunda mövcud olan ən təmiz havanı təmin edən yenilikçi mikro hava təmizləmə sistemi (MEPS) ilə təchiz edilib. Müştəriləri dəm qazı və tozcuqlar, eləcə də bəzi virus və bakteriyalardan qoruyan mövcud hava filtrasiyası texnologiyası yenidən təkmilləşdirilib.
Yeni “Ghost” sadəliyində mükəmməldir, lakin bu səssizlik atmosferinin yaradılması brend tarixinin ən böyük çağırışlarından biri olub. Şübhəsiz ki, yeni “Ghost” tarixin ən texnoloji “Rolls-Royce”dur. Təchizatın siyahısına 600 metrdən çox işıqlandırma məsafəsi olan işıq diodu və lazer fənərləri, heyvanlar və piyadaların gündüz və ya gecə saatlarında yolda peyda olması barədə qabaqcadan xəbərdarlıq edən “Vision Assistant” sistemi, sürücünün yorğunluğunu təhlil edən “Alertness” köməkçi sistemi, avtomobilin panoramik baxışını təmin edən 4 kameralı monitorinq sistemi daxildir, aktiv kruiz kontrol sistemi – toqquşma qarşısının alınması sistemi, toqquşma xəbərdarlığı sistemidir, park etmə köməkçisi, həmçinin ən qabaqcıl naviqasiya və əyləncə sistemləri.
Yeni “Ghost Extended” üçün mütəxəssislər gələcək “Rolls-Royce” avtomobilləri üçün etalon olacaq “Sükunət formulunu” yaradıblar. Formulun ilk elementi daha yüksək akustik müqavimətə malik olan alüminium konstruksiyadır. Mühərrik lövhəsi və döşəməsi ikiqat konstruksiyaya malikdir, qatların arasındakı məkan salona daxil olan yol səs-küyünü azaltmaq üçün kompozit səs azaldan material ilə işlənilib. Yeni “Ghost”da 100 kiloqramdan çox səs izolyasiyası var ki, bu da qapılara, damlara, ikiqat şüşəli pəncərələrə, şinlərin daxilində və hətta banın konstruksiyasının daxilində istifadə olunub.
Yeni “Ghost”un hər bir detalında minimalizmin estetikasının təcəssümü markanın dizaynerlərinin əsas məqsədi olub. Nəticədə, “Rolls-Royce”un qüsursuz deyə tanınmış olduğu təmkinli və həqiqi dizayn yaradılıb.
J.Jenkins vurğulayıb: “Son aylarda regionda qarşılaşdığımız çətinliklərə baxmayaraq, biz bu regionda müvəffəqiyyətə nail olmuşuq, müştərilər bu qeyri-müəyyənlik dövrünün uzunmüddətli dəyərə malik olan investisiyalara ən uyğun vaxt olduğunu hiss edirlər. Davamlı işimizə verdiyi töhfələrə görə brend menecer Nurlan Pənahlıya və bütün komanda üzvlərinə təşəkkür edirəm və 2021-ci ildə uğurlu başlanğıc gözləyirəm”.
Təqdimat zamanı “Bang & Olufsen” şirkətinə “Rolls-Royce” standartlarına həqiqətən layiq olan yüksəkkeyfiyyətli səs effektləri təqdim edən akustik avadanlıqlara görə ayrıca təşəkkür edilib.
