MDU-da imtahan müddətində “Açıq qapı” günləri təşkil olunacaq
2023/2024-cü tədris ilinin payız semestrinin imtahan sessiyası müddətində Mingəçevir Dövlət Universitetinin (MDU) rektoru Şahin Bayramovun iştirakı ilə “Açıq qapı” günləri keçiriləcək.
“İNFONEWS” -a MDU-dan verilən məlumatına görə, imtahan dövründə tələbə və magistrantların, həmçinin onların valideynlərinin suallarının operativ cavablandırılması məqsədi daşıyan “Açıq qapı” günləri həftədə bir dəfə hibrid formada təşkil olunacaq.
Görüşlərdə MDU-nun tələbələri, magistrantlar və onların valideynləri iştirak edə bilərlər.
İlk “Açıq qapı” günü 2024-cü ilin yanvarın 9-da keçiriləcək.
Görüşə qatılmaq istəyənlər [email protected] elektron poçt ünvanına müraciət edə bilərlər.