Həkimlər Trampa süni tənəffüs aparatı qoşmaq istəyib
“İNFONEWS” xəbər verir.
ABŞ-ın keçmiş prezidenti Donald Tramp koronavirusa yoluxduğu zaman həkimlər onu süni tənəffüs aparatına qoşmaq istəyiblər.
Bu barədə “The New York Times” məlumat yayıb.
Mənbənin sözlərinə görə, keçmiş dövlət başçısının xəstəliyi ictimaiyyətə açıqlanandan daha ağır şəkildə keçib. Həkimləri xüsusən Trampın qanında oksigenin səviyyəsinin 90 faizdən aşağı olması narahat edib.
Bundan əlavə, Trampın vəziyyəti ilə tanış olan mənbələr nəşrə sabiq prezidentin ağciyərlərində iltihab, maye və bakteriya toplanması zamanı baş verən infiltrat aşkarlandığını bildiriblər. Həmin vaxt rəsmilər Trampın süni tənəffüs aparatına qoşulmalı olduğunu hesab ediblər.