“Miqrasiya prosesləri iqtisadi, sosial və ekoloji faktorlar çərçivəsində…” – Aslan Əzimzadə
Bu günlərdə Qırğızıstanın Bişkek şəhərində, təhsil və sosial layihələrə dəstək və inkişaf xeyriyyə fondunun “PSP-Fond” və A.M. Qorçakov adına İctimai Diplomatiya Fondunun dəstəyi ilə həyata keçirdiyi “Miqrasiya prosesləri vahid Avrasiya məkanında əməkdaşlıq amili kimi” mövzusunda beynəlxalq dəyirmi masa və strateji sessiya keçirilir.
“İNFONEWS” – a Təşkilati Komitədən verilən məlumatında bildirilib ki, tədbirdə müxtəlif ölkələrdən miqrasiya sahəsi üzrə dövlət rəsmiləri, qeyri-hökümət təşkilatları və ekspert cəmiyyətinin görkəmli nümayəndələri iştirak edir. Sözügedən sessiyada Azərbaycan tərəfini iqtisadçı-ekspert Aslan Əzimzadə təmsil edir.
İqtisadçı- ekspert Aslan Əzimzadə müsahibəsində günümüzdə miqrasiya prosesləri iqtisadi, sosial və ekoloji faktorlar çərçivəsində olduqca aktual istiqamət olduğunu söyləyib, bu kimi tədbirlərin miqrasiya prosesi zamanı ölkələrin bir-biri ilə öz təcrübələrini bölüşməsi müstəvisindəki önəmini vurğulayıb.
Qeyd edək ki, miqrasiya sahəsi üzrə hər il keçirilən beynəlxalq dəyirmi masa sözügedən proseslərin inkişafına ekspert cəmiyyəti səviyyəsində öz töfhəsini verməkdədir.