Paytaxtın bu küçəsində nəqliyyatın hərəkəti məhdudlaşdırılacaq
Sentyabrın 5-i saat 06:00-dan etibarən Bakı şəhərinin Yasamal rayonu, Həsən bəy Zərdabi küçəsində Əsəd Əhmədov küçəsindən Heydər Hüseynov küçəsinə qədər olan hissədə (“Qələbə dairəsi”ndən 20 Yanvar dairəsi istiqamətində) aparılacaq təmir işləri ilə əlaqədar avtonəqliyyat vasitələrinin hərəkəti tam məhdudlaşdırılacaq.
“İNFONEWS” – un Azərbaycan Avtomobil Yolları Dövlət Agentliyindən (AAYDA) əldə etdiyi məlumatında bildirilib ki, sürücülərdən aparılan işlərə anlayışla yanaşmaları, hərəkət istiqamətlərinə uyğun alternativ yollardan istifadə etmələri xahiş olunur.