02-05 oktyabr tarixlərində həyata keçirilən “Peşəmiz Gələcəyimizdir” adlı layihə uğurla yekunlaşıb.
Layihə çərçivəsində iştirakçılara müxtəlif sahələrdə peşə bilikləri, bacarıqlar və əmək bazarında uğur qazanmaq üçün zəruri olan təcrübələr öyrədilib.
Dörd gün ərzində keçirilən tədbirlər zamanı iştirakçılar praktiki məşğələlərdə iştirak edib, təcrübəli mütəxəssisdən faydalı məsləhətlər alıb və peşəkar inkişaf üçün motivasiyaedici sessiyalar dinləyiblər.
Layihə gənclərin öz karyera istiqamətlərini daha dəqiq müəyyənləşdirməsinə, yeni bilik və bacarıqlar əldə etməsinə dəstək olmaq məqsədi daşıyırdı.
Layihənin son günündə sertifikat və hədiyyələrin təqdimetmə mərasimi keçirilib. Sertifikatlar iştirakçıların layihədəki fəallığını və qazandıqları bilikləri təsdiqləyərək, onların gələcək karyera yolunda əlavə bir üstünlük qazandıracaq.
“Peşəmiz Gələcəyimizdir!” layihəsi gələcəkdə də müxtəlif yaş qruplarından olan gənclərə dəstək olmağa davam etməyi hədəfləyir. Layihə iştirakçıları əldə etdikləri bilik və təcrübələrin karyeralarına
müsbət təsir göstərəcəyinə əmin olduqlarını bildiriblər. Peşəmiz, gələcəyimizin açarıdır!
