Bu universitet ilk dəfə “UI GreenMetric 2024” REYTİNQİNDƏ
Bakı Avrasiya Universiteti (BAAU) ilk dəfə olaraq “UI GreenMetric 2024” dünya universitetləri reytinqinə daxil olmaqla dayanıqlı inkişaf sahəsində mühüm uğura imza atıb.
“İNFONEWS” – un universitetdən əldə etdiyi məlumatında bildirilib ki, 95 ölkənin ali təhsil müəssisələrinin iştirak etdiyi reytinq siyahısında BAAU “dayanıqlılıq” istiqamətində göstərdiyi fəaliyyətləri ilə beynəlxalq reytinqdə təmsil olunub.
Reytinqin əsas meyarları arasında elm və təhsil fəaliyyətləri, istehlak və enerjiyə qənaət göstəriciləri, su ehtiyatlarının səmərəli istifadəsi, tullantıların saxlanması və emalı, ətraf mühitə uyğun nəqliyyat vasitələrinin istifadəsi və kampus ərazisində yaşıllıq sahəsi qiymətləndirilir.
Dayanıqlı İnkişaf Məqsədlərinə (SDG) uyğun fəaliyyəti və ekoloji məsuliyyətini davam etdirməsi ilə BAAU-nun reytinq siyahısında yer alması bir daha onun bu istiqamətdə strateji yanaşmalarının və həyata keçirdiyi layihələrin beynəlxalq səviyyədə tanındığını təsdiqləyir.
2024-cü il “UI GreenMetric” dünya universitetləri reytinqinin tam nəticələrini bu saytdan əldə etmək olar:
https://greenmetric.ui.ac.id/rankings/overall-rankings-2024
