UNEC-də “0-dan yüksəlişə gedən yol” adlı seminar keçirilib
Azərbaycan Dövlət İqtisad Universitetində (UNEC) Tələbə Elmi Cəmiyyətinin (TEC) təşkilatçılığı ilə Beynəlxalq Avrasiya Mətbuat Fondunun (BAMF) prezidenti, ictimai xadim və “Əməkdar Mədəniyyət İşçisi” Umud Mirzəyevlə görüş keçirilib.
“İNFONEWS” – a universitetdən verilən məlumatda bildirilib ki, görüşdə ilk öncə Umud Mirzəyevin rəhbərlik etdiyi təşkilatın BAMF-in 32 illik fəaliyyətini əks etdirən sənədli film nümayiş olunub. Daha sonra U.Mirzəyev karyerasının başlanğıcından bu günə qədər əldə etdiyi uğurları, qarşıya çıxan çətinlikləri və onların öhdəsindən necə gəldiyini iştirakçılarla bölüşüb.
Sonda tələbələri maraqlandıran suallar cavablandırılıb.
