Siyavuş Novruzovdan məhkəmələrə ittiham: “Ötür-ötür prosesidir”
Milli Məclisin iclasında deputat Siyavuş Novruzov məhkəmə hakimlərini tənqid edib.
“İNFONEWS” “oxu.az”a istinadən xəbər verir ki, S.Novruzov hakimlərin düzgün qərar çıxarmamasının problemlər yaratdığını deyib.
“Ötür-ötür prosesidir. Məhkəmə qərar çıxarır, ardınca bu qərarla apellyasiya məhkəmələrinə müraciət edilir. Daha sonra isə Ali Məhkəmə. Ali Məhkəmə isə nöqsanlar aşkarlayır və işi yenidən ibtidai istintaq üçün geri qaytarır”, – deyə S.Novruzov əlavə edib.
O qeyd edib ki, səhv hökm çıxaran hakimlərin maaşlarından tutulmalıdır.