İnstagram sosial şəbəkəsində dələduzluq DİQQƏTLİ OLUN
Redaksiyamıza İnstagram sosial şəbəkəsi vasitəsilə özünü falçı-ekstrasens adlandıran “Arzu xala” ləqəbli bir fırıldaqçının insanların etibarından sui istifadə edərək onları aldatmaqla pul vəsaitlərini ələ keçirməsi məlumat daxil olmuşdu. Məlumatda bildirilirdi ki, dələduz baxici_falci_ekstrasens_arzu_ adlı instagram səhifəsi vasitəsilə fəaliyyət göstərir. Öz səhifəsində cəmiyyəti aldatmaq üçün “təşəkkür məktubları”, diqqəti cəlb edən paylaşımlar edir və səhifəsini bəzi kütləvi istifadəçisi olan səhifələrdə reklam edir.
Bizdə “İNFONEWS” olaraq yoxlamaq üçün həmin səhifəyə fərqli bir hesabdan yazdıq. Sözügedən şəxs çox “cazibədar” şəkildə qarşıladı və işi 30 manata etdiklərini amma güvən üçün 3 manat öncədən ödəmə aldıqlarını qeyd etdi. İşlərinin ən geci 7 günə baş tutacağını, iş tam alındıqdan sonra isə ödəmənin qalanını aldıqlarını da vurğuladı. Daha sonra fala indi endirimlə – 3 manata baxdıqlarını da, istəsək görüntülü zənglə, istəsəkdə yazılı şəkildə baxa biləcəyini də diqqətimizə çatdırdı. Bizdə hal-hazırda vaxtımızın olmadığını ən qısa zamanda baxdırmaq istədiyimizlə bağlı mesaj göndərdik. Bir neçə gün sonra sabah günorta saatlarında fala baxdırmaq istədiyimizi və 2 nəfər olacağımızı yazdıq. Sözügedən şəxs isə bank kartımız varsa 5 manat məbləğ olacağını qeyd etdi. Kartın kodunu istədikdə link göndərən şəxs linkə daxil olmağımızı, ödəmə et sözünə basdıqdan sonra yazılanları dolduraraq submit düyməsini basmalı olduğumuzu vurğuladı. Kartı soruşduqda isə “Can xala qurban bizdə art deyil ibandır deyə bizə bankdan verilən linklə ödəmə olur” deyə cavab verdi. Biraz keçdikdə ödəməni indilərdə edəcəyimizi bildirdik. Təbii ki, daha öncədən tədbirimizi almışdıq. İstifadə edilməyən virtual karta 5 manat dəyərində məbləğ yükləyərək həmin kartın məlumatlarını müvafiq xanalarda qeyd etdik. Qeyd edim ki, xanalarda kartda nə qədər məbləğin olduğuda soruşulurdu bizdə olduğu kimi 5 manat olduğunu bildirdik. Belə olduqda sistem bizi qəbul etmədi. Ekrana çıxan təsviri “Arzu xala”ya göndərdikdə isə həmin şəxs kartınızdakı məbləğ minimal 50 manat olmalıdır” deyə bildirdi. Bizdə həmin qədər mbləğin olmadığını, kartın debet kart olduğunu qeyd edərək ödəmənin başqa yolunun olub-olmadığını, olsaydı helə ödəyə biləcəyimizi qeyd etdik. Həmin şəxs də başqa yolun olmadığını və tək yolun bu olduğunu qeyd etdi. Ödəniş edə bilmədiyimizi və karda 50 manat olmasının bank üçün nə önəminin olmasını sual etdikdə isə doğrulama üçün olduğunu qeyd etdi. Belə olduqda biz kartda nə qədər pul var soruşulan xanaya 50 manat olduğunu qeyd etdik (əslində karta heç bir pul əlavə edilməmişdi və elə 5 manat mövcud idi). Sistem bizi qəbul etdi və biz təsviri yenidən həmin şəxsə yönləndirdik. Belə olduqda isə bizə gələn kodu tələb etdi. Kodu göndərdik və gözlədik. Əvvəlcə 0.05 manat doğrulama üçün çıxıldı və sonra geri revers oldundu. Qeyd edək ki, CİB verfication, 31, Baku tərəfindən çıxılma oldu. Elə belə olmuşduki kartdan əvvəlcə 46 manat məbləği çıxarılmağa çalışıldı (təbii ki, həmin balans olmadığı üçün yetərsiz balans imtinası edildi) . Bunun mümkün olmadığını görər-görməz 37 manat çıxarmağa çalışdılar. Təbii ki, tədbir aldığımız üçün bu da mümkün olmadı. Bunları gördükdən sonra daha çox əməliyyat aparmamaları üçün kartı blokladıq. Şəxs is ödənişi ələ keçirə bilmədiyi üçün bizim səhifəni blokladı.
Məsələ ilə bağlı cəmiyyəti diqqətli olmağa çağırırıq.
