“Kitabxanada bir gün” layihəsi həyata keçirilib
Firudin bəy Köçərli adına Respublika Uşaq Kitabxanasında 3 saylı Bakı “ASAN xidmət” mərkəzinin və Azərbaycan Dövlət iqtisad Universitetində fəaliyyət göstərən “UNEC Könüllüləri” Təşkilatının könüllülərinin iştirakı ilə “Kitabxanada bir gün” adlı layihə həyata keçirilib.
22 oktyabr “Beynəlxalq Məktəb Kitabxanaları Günü” münasibətilə Firudin bəy Köçərli adına Respublika Uşaq Kitabxanasında Azərbaycan Dövlət iqtisad Universitetində fəaliyyət göstərən “UNEC Könüllüləri” Təşkilatının və 3 saylı Bakı “ASAN xidmət” mərkəzinin könüllülərinin iştirakı ilə “Kitabxanada bir gün” adlı layihə həyata keçirildi.
Layihə çərçivəsində kitabxananın direktoru Əməkdar mədəniyyət işçisi Şəhla Qəmbərova Respublika Kitabxanası və kitabxananın fəaliyyəti haqqında könüllülərə məlumat verdi, daha sonra kitabxananın yenilənmiş saytı, saytdakı yeniliklər və istifadəsi ilə bağlı könüllüləri məlumatlandırdı.
Günün davamında könüllülər kitabxanın fəaliyyəti ilə daha yaxından tanış oldular və gün ərzində kitabxanada könüllü fəaliyyət göstərdilər. Fəaliyyət könüllülər və oxucular tərəfindən böyük maraqla qarşılandı.
