Ukraynada hər bir məcburi köçkünə aylıq yardım ödəniləcək
Ukraynada dövlət tərəfindən hər bir məcburi köçkünə iki min qrivna (112 AZN) həcmində aylıq yardım ödəniləcək.
İNFONEWS xəbər verir ki,bunu ölkənin baş naziri Denis Şmıqal bildirib.
Hökumət başçısının sözlərinə görə, müharibə səbəbindən daha təhlükəsiz bölgələrə köçən hər uşağa görə 3000 qrivna (169 AZN) veriləcək.
Köçkünləri evdə qəbul edən ailələr də kommunal ödənişlər üçün kompensasiya alacaqlar. Məskunlaşdırılmış hər bir şəxs üçün ayda 450 qrivna (26 AZN) ödəniləcək.
Həmçinin, ölkə üzrə bütün miqrantlar üçün məşğulluq proqramı işə salınır. Bu məqsədlə dövlət zərər çəkmiş rayonlardan məcburi köçkünləri işlə təmin edən işəgötürənlərə hər bir işləyən şəxs üçün 6500 qrivna (366 AZN) olmaqla ödənişlər etməyə başlayır.
© Materiallardan istifadə edərkən hiperlinklə istinad olunmalıdır