Səudiyyə Ərəbistanında Formula 1 Qran-prisi təhlükə altına düşüb
Ciddə şəhərinin raket atəşinə tutulmasına baxmayaraq, “Formula 1” üzrə Səudiyyə Ərəbistanı Qran-prisinin keçirilməsi sarıdan heç bir təhlükə yoxdur.
“İNFONEWS” xəbər verir ki, bu barədə Beynəlxalq Avtomobil Federasiyasının (FIA) prezidenti Məhəmməd ben Sulayem əminliklə açıqlama verib.
O bildirib ki, üsyançıların hədəfi bu tras yox, iqtisadi infrastrukturdur: “Buranın təhlükəsiz yer olduğuna və heç nəyin baş verməyəcəyinə dair ən yüksək səviyyədə təminatımız var”.
Qeyd edək ki, martın 25-də husilər Səudiyyə Ərəbistanının neft infrastrukturunu raket atəşinə tutub. Nəticədə Ciddə trası yaxınlığındakı “Aramco” şirkətinin neft anbarlarından birində partlayış və yanğın baş verib. Səudiyyə Ərəbistanı Qran-prisində sərbəst yürüşlərə martın 25-də start verilib. Martın 27-də isə əsas yürüş olacaq.