İpoteka və Kredit Zəmanət Fondunun nizamnamə kapitalı 12 % artırılıb
Prezident İlham Əliyev İpoteka və Kredit Zəmanət Fondunun nizamnaməsinə dəyişiklik edib.
İNFONEWS xəbər verir ki, dövlət başçısı bununla bağlı yeni fərman imzalayıb.
Fərmana əsasən, Fondun nizamnamə kapitalı 95 milyon manat və yaxud 11,9 % artırılaraq 798 milyon manatdan 893 milyon manata çatdırılıb.
Kapital artımında məqsəd güzəştli ipoteka kreditlərinin maliyyələşdirilməsidir. Artım 2022-ci ilin dövlət büdcəsindən Fonda ayrılmış vəsait hesabına təmin ediləcək.
Əzizə Əliyeva
© Materiallardan istifadə edərkən hiperlinklə istinad olunmalıdır