“Karlığa, pisliyə son qoy” – keşişlər Paşinyana qarşı çıxdılar
“Karlığa, pisliyə son qoyun”.
İNFONEWS xəbər verir ki, bunu Ermənistanın din xadimi Asoqik Karapetyan (Üçmüəzzin katolikosluğu arxivi və muzeyinin direktoru) sosial şəbəkədəki səhifəsində baş nazir Nikol Paşinyanın bəyanatına cavab olaraq yazıb:
“Ölkənin idarəçiləri kilsəyə qarşı çıxmamalı, iman qaydalarını xatırlayaraq Vətənin dirçəlməsi naminə çalışmalıdırlar”.
“Sizə verilən müvəqqəti hakimiyyət haqqında təmtəraqlı çıxışlar etməzdən əvvəl Ermənistanın müstəmləkəsi, milli həyatın çiçəklənməsi, Vətənin mənəvi və fiziki təhlükəsizliyi naminə əməllərinizdən danışın. Karlığa, geniş yayılmış şərə son qoyun və kilsənin ruhani övladları kimi, Müqəddəs Eçmiədzinin oyanış sözlərini eşidin”, – keşiş sosial şəbəkə hesabında qeyd edib.
“İqtidarın ağır yükünü daşıyan hər kəsə millətin arzularına uyğun gələcəyə baxış olmalıdır, əks halda o, milli sərvətin, irsin qoruyucusu ola bilməz”, – Asoqik Karapetyan əlavə edib.
Katolikos-Patriarxı II Qaregin də bildirib ki, erməni apostol kilsəsi ilə Ermənistan hakimiyyəti arasında əməkdaşlıq lazımi səviyyədə deyil. Xüsusilə onun fikrincə, müasir Ermənistanda “əsl ənənələrə, milli kimliyin dayağı olan dəyərlər sisteminə, milli-mənəvi təhlükəsizliyin əsaslarına məhəl qoyulmur: “Bu da üzləşdiyimiz problemlərin aradan qaldırılması üçün xüsusi əhəmiyyət kəsb edir”.
Əzizə Əlizadə
© Materiallardan istifadə edərkən hiperlinklə istinad olunmalıdır