Azərbaycan XİN Serbiyaya başsağlığı verib
Azərbaycan Xarici İşlər Nazirliyi Belqradda məktəblərdən birində baş vermiş atışma nəticəsində 9 nəfərin ölümü ilə əlaqədar Serbiyaya başsağlığı verib.
İNFONEWS-un xəbərinə görə, bu barədə qurumun tviterində paylaşım edilib.
“Serbiyanın Belqrad şəhərində məktəbdə baş vermiş dəhşətli atışma xəbəri bizi çox kədərləndirdi. Həlak olanların ailələrinə, Serbiya xalqına və hökumətinə dərin hüznlə başsağlığı veririk. Bütün yaralılara şəfa diləyirik”, – paylaşımda bildirilib.
Qeyd edək ki, mayın 3-də Serbiyanın paytaxtı Belqradda məktəblərdən birinə silahlı hücum nəticəsində 9 nəfər öldürülüb.
Əzizə Əlizadə
© Materiallardan istifadə edərkən hiperlinklə istinad olunmalıdır