“Abzas Media”nın baş redaktoru hava limanında saxlanıldı
“Abzas Media” saytının baş redaktoru Sevinc Abbasova (Vaqifqızı) saxlanılıb.
“İNFONEWS” xəbər verir ki, bu barədə onun yaxınları məlumat yayıb.
Sevinc Vaqifqızı xaricdən qayıdarkən hava limanında saxlanılıb, daha sonra evində axtarış aparılıb.
Məlumatı onun vəkili Elçin Sadıqov təsdiq edib.
Qeyd edək ki, ötən gün eyni saytın direktoru Ülvi Həsənli də saxlanılıb. Ona qarşı Cinayət Məcəlləsinin 206.3.2-ci (qaçaqmalçılıq) maddəsi ilə cinayət işi başlanıb.