İsmayıllı DPTM -in tələbələri təqaüdlü təcrübə proqramına qatılacaqlar
İsmayıllı Dövlət Peşə Təhsil Mərkəzinin 11 nəfər tələbəsi təqaüdlü təcrübə proqramında iştirak edəcək.
“İNFONEWS” – a İsmayıllı Dövlət Peşə Təhsil Mərkəzindən verilən məlumatda bildirilib ki, qarşılıqlı əməkdaşlıq çərçivəsində ilk dəfə “Castle Resort&Spa Hotel”də turizm və xidmət sahəsində təqaüdlü təcrübə proqramına start verib.
Turizm və digər ixtisaslar üzrə təhsil alan 11 nəfər tələbə “Castle Resort&Spa Hotel”də 3 ay müddətində təqaüdlü təcrübə keçmək şansı əldə ediblər. Onlar təcrübə dövründə təqaüd, mentor dəstəyi, qidalanma və transfer xərcləri ilə təmin ediləcəklər. Qarşılıqlı razılaşmaya əsasən, təcrübənin sonunda işlə təmin ediləcəklər.