UNEC-də “Müstəqilliyimiz əbədidir!” adlı tədbir keçirilib
Azərbaycan Respublikası Gənclər Fondu və Azərbaycan Dövlət İqtisad Universitetinin (UNEC) dəstəyi, UNEC Tələbə Həmkarlar İttifaqı Komitəsi, UNEC İqtisadçı Vətənpərvərlər Təşkilatı, UNEC Rəqəmsal Könüllülər Təşkilatı və “Gənclərin Maarifləndirilməsinə Dəstək” İctimai Birliyinin birgə təşkilatçılığı ilə 18 oktyabr tarixində “Müstəqilliyimiz Əbədidir!” adlı tədbir baş tutub.
“İNFONEWS” xəbər verir ki, tədbir Dövlət Təhlükəsizliyi Xidməti Şəhriyar adına Yaradıcılıq evinin nəzdində fəaliyyət göstərən Bənövşə Uşaq Xorunun təqdimatında Azərbaycan Respublikasının Dövlət Himninin səsləndirilməsi ilə başlayıb. Azərbaycan Dövlət Iqtisad Universiteti Tələbələrlə İş üzrə Prorektoru dosent Səadət Qəndilova, Azərbaycan Respublikasının Gənclər Fondunun şöbə müdiri Orduxan Qəhrəmanzadə, “Gənclərin Maarifləndirilməsinə Dəstək” İctimai Birliyinin sədri Aynurə Salmanlı və Siyasi Elmlər üzrə Fəlsəfə doktoru Pərviz Səmədovun çıxışları ilə tədbir davam edib.
Müxtəlif ifaçıların çıxışları baş tutan tədbirdə Azərbaycan Respublikasının Xalq Artisti Könül Xasıyeva, Azərbaycan Respublikasının Əməkdar Artisti Nuriyə Hüseynova, Azərbaycan Respublikasının Xalq Artisti Zaur Rzayev, Respublika və Beynəlxalq Müsabiqələr laureatı Fərid Əzizli, Bülbül adına orta ixtisas Musiqi Məktəbinin müəllim və tələbələri, UNEC Yaradıcılıq Mərkəzinin istedadlı solisti, Respublika müsabiqələrinin laureatı Elxan İsgəndərov, gənc ifaçı Fərid Mərd, xanəndə Nuray Şuşalı və İlkin Fuad öz ifaları ilə tədbirə rəng qatıblar.
