Azərbaycanda bu tarixdən ov mövsümü açıq elan edilib
Ov Məsələləri üzrə Koordinasiya Şurasının növbəti iclası keçirilib və yanvarın 22-dən Azərbaycan ərazisində ov mövsümünün açıq elan edilməsinə qərar verilib.
“İNFONEWS” xəbər verir ki, bu barədə Bioloji Müxtəlifliyin Qorunması Xidmətinin rəsmisi Arzu Babayeva bildirib.
Ov etmək istəyən vətəndaşlar ovlanmasına icazə verilən quşların ovlanma müddətləri və normaları ilə bağlı məlumatları Ekologiya və Təbii Sərvətlər Nazirliyinin eco.gov.az rəsmi internet səhifəsinin “Elanlar” bölməsindən əldə edə bilər: “Ov həvəskarlarına müraciət olunur ki, ov zamanı qaydaların mövcud normativlərinə əməl etsinlər və yalnız ov üçün ayrılan ovçuluq təsərrüffatlarının sahələrindən istifadə etsinlər”.