Sosial Xidmətlər Agentliyinin Ahıl Şəxslər üçün Sosial Xidmət müəssisəsinin sakinləri Hərbi Qənimətlər Parkında olublar
”İNFONEWS” xəbər verir.
Sosial Xidmətlər Agentliyinin Ahıl Şəxslər üçün Sosial Xidmət müəssisəsi sakinlərinin Hərbi Qənimətlər Parkına ziyarəti təşkil olunub.
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən verilən məlumata görə, ziyarətçilər Zəfərlə yekunlaşan 44 günlük Vətən müharibəsi zamanı Şanlı Ordumuzun düşməndən qənimət kimi ələ keçirdiyi, eləcə də düşmənin məhv edilən ağır və yüngül silahları, hərbi texnikası ilə tanış olub, hərbçilərimizin keçdiyi şərəfli döyüş yolunu xəyallarında canlandırıblar.
Müəssisənin yaşlı sakinləri parkdan qürur hissləri, xoş təəssüratlarla ayrılıblar.
Qarabağ Azərbaycandır!