Bakının mərkəzi küçələrindən biri 20 günlük bağlanır
“İNFONEWS” xəbər verir.
Formula 1 üzrə Azərbaycan qran pisinə hazırlıq işləri ilə əlaqədar Bakıda Azadlıq – Neftçilər prospektinin kəsişməsi mayın 23-də saat 23:00-dan yarış bitənədək nəqliyyatın hərəkəti üçün bağlı olacaq.
Bu barədə Bakı şəhər Halqası Əməliyyat Şirkəti məlumat yayıb.
Yolun bağlanması yarışa hazırlıq zamanı yollarda quraşdırma işləri ilə əlaqədardır. Sürücülərdən Zərifə Əliyeva küçəsini alternativ yol olaraq istifadə etmələri xahiş olunur.
Azərbaycan qran-prisi 10-12 iyunda keçiriləcək.