Estrada Simfonik Orkestri konsert proqramı ilə çıxış edəcək
Sentyabrın 20-də Rəşid Behbudov adına Azərbaycan Dövlət Mahnı Teatrında “Üzeyir ənənəsinin sönməyən ulduzları” adlı konsert proqramı təqdim olunacaq.
“İNFONEWS” xəbər verir ki, Üzeyir Hacıbəyli XIV Beynəlxalq Musiqi Festivalı çərçivəsində keçirilən konsert proqramında dirijor Vasif Axundovun rəhbərliyi ilə Estrada Simfonik Orkestri çıxış edəcək. Orkestrin bədii rəhbəri tanınmış pianoçu-bəstəkar, Əməkdar artist Salman Qəmbərovdur.
Biletləri iTicket.az saytı və şəhərin kassalarından əldə etmək olar.