Bakı Şəhər İcra Hakimiyyəti paytaxt sakinlərinə MÜRACİƏT ETDİ
Yay mövsümünün başlanması, paytaxtımıza çoxsaylı qonaqların və xarici turistlərin gəlişinin gözlənilməsi ilə əlaqədar şənbə günü, iyun ayının 10-da Bakı Şəhər İcra Hakimiyyəti (BŞİH) tərəfindən paytaxtda növbəti şəhərdaxili iməciliyin keçirilməsi qərara alınıb.
“İNFONEWS” – un Şəhər icra hakimiyyətinin mətbuat xidmətindən əldə etdiyi məlumatına görə, iməcilik zamanı şəhərin prospekt və küçələrində, həyət və məhəllələrdə təmizlik-abadlıq işləri görüləcək.
Bakı Şəhər İcra Hakimiyyəti müəssisə, idarə və təşkilatların kollektivlərini, paytaxt sakinlərini bu iməcilikdə fəal olmağa çağırır, həmçinin sahibkarlara, özəl sektorda çalışanlara müraciət edərək onları özlərinə məxsus obyektlərin fasad və vitrinlərində, obyektlərin qarşısında təmizlik və səliqə-sahman yaradılmasında iştirak etməyə dəvət edir.
Bununla da hər birimiz paytaxtımızın daha da gözəlləşməsinə öz töhfəmizi vermiş olacağıq.