XXVIII Beynəlxalq İKT Forumu “TIBO-2022” keçiriləcək
6-10 iyun tarixlərində Minsk şəhərində XXVIII Beynəlxalq İKT Forumu “TIBO-2022” keçiriləcək.
TIBO-2022 Forum proqramı çərçivəsində iqtisadiyyatın və dövlət idarəçiliyinin əsas sektorlarının rəqəmsal transformasiyasına həsr olunmuş beynəlxalq ixtisaslaşdırılmış sərgi, eləcə də aşağıda qeyd olunan bir sıra biznes tədbirləri də təşkil olunacaq:
Forumun rəsmi açılışı – “Rəqəmsal gələcək” plenar iclası (6 iyun);
V Belarus İKT sammiti (8 iyun);
IV Avrasiya Rəqəmsal Forumu “EADF” (7-9 iyun);
II Rəqəmsal İqtisadiyyat Forumu (7-9 iyun).
Azərbaycan Dövlət İqtisad Universitetindən (UNEC) “İNFONEWS”-a verilən məlumata görə, forum çərçivəsində Avrasiya məkanı ölkələrinin milli bazarlarının rəqəmsal infrastrukturunun əsas elementlərinin inteqrasiyası məsələlərinə baxılacaq.
IV Avrasiya Rəqəmsal Forumunun bölmələrin birində “Avrasiya nəqliyyat dəhlizləri və logistika xidmətləri” mövzusuna həsr olunacaq.