Şeyxin möhtəşəm çilçırağı sallaqxananı işıqlandırıb
Bu tarixi şəkil Qərbi Almaniyanın Darmştadt şəhəri yaxınlığında yerləşən sallaqxanalardan birində çəkilib.
“İNFONEWS” – un əldə etdiyi məlumatına görə, şəklin çəkilmə tarixi 29 noyabr 1962 -ci il göstərilib.
Almaniyanın çilçıraq şirkətlərindən biri ərəb şeyxi tərəfindən verilən, həmin dövrün ən böyük sifarişini məhz burada hazırlaya bilib.
Bu möhtəşəm çilçırağın sallaqxananı işıqlandırmasının izahı isə çox sadədir. Həmin zaman sifarişin yerinə yetirilməsi üçün münasib məkan tapılmadığından, şirkət yaxınlıqdakı sallaqxanaya müraciət etməli olub.
