Həmişəmi belə olub? – Kameraya baxın və gülümsəyin!
Müasir dövrümüzdə şəkillərdə qaraqabaq durmaq, ciddi, ya qəmli baxmaq heç də uğurlu foto sayılmır. Bir şəklin gözəlliyi üzdəki təbəssümün, xəfif gülüşün vurğulanmasıdır. Həmişəmi belə olub?
Tarixə nəzər salsaq görərik ki, XIX əsrin sonlarınadək təbəssüm portretlərdə və ya fotoşəkillərdə tamamilə yersiz, lüzumsuz hesab edilib.
Hətta yüksək yumor hissi ilə fərqlənən məşhur yazıçı Mark Tven də bu barədə yazırdı: “Fotoşəkil olduqca əhəmiyyətli bir sənəddir və gələcək nəsillər üçün üzündə mənasız, axmaq bir təbəssüm ilə çəkilmiş şəkil kimi alçaldıcı, səviyyəsiz bir miras yoxdur”
