Bakıda iki avtomobil toqquşdu: Xəsarət alanlar var
Bakının Sabunçu rayonunda yol-nəqliyyat hadisəsi baş verib.
“İNFONEWS” xəbər verir ki, qəza Zabrat 1 qəsəbəsində qeydə alınıb.
“Dacia” markalı avtomobilin sürücüsü idarə etdiyi nəqliyyat vasitəsini dayanmış vəziyyətdə olan “Hyundai” markalı avtomobilə çırpıb.
Nəticədə “Hyundai” markalı avtomobil yolun əks istiqamətinə çıxıb. Qəza nəticəsində 3 nəfər xəsarət alıb.
Hadisə yerinə DYP əməkdaşları cəlb edilib. Avtomobillər ərazidən uzaqlaşdırılıb.
Hadisənin təfərrüatı araşdırılır.